Tu aaina saaz beshak aaina hun main beshak
Tu samne hai mere main samne hun beshak

Husn-e-aziz tu hai mujh mein aks tera
Tu ban gaya khuda hai banda bana main beshak

Nukte ke her-fer ko samjha nahi zamana
Qalb-o-jigar to tu hai har kaum mein beshak

Hasiyan mein fas gaya main dozak ka khauf tera
Rehmat pe nazar daloon jannat ka shauk beshak

Dekha jamal tera mujh mein samaya hai
Nas-nas mein tu basa hai barzakh mera hai beshak

Dekha jo abr-e-rehmat yeh chand ye sitare
Sehra naseem bulbul checha rahe hain beshak

Tu khaliq-e-konain hai is mein nahi hai kuch shak
Zara main noor tera tu jaanta hai beshak

Yazdani sharam saar hai tere karam pe maula
Kalme ka khel hai yeh is mein nahi hai kuch shak